Нұрсұлтан Назарбаевтың қызы, Мәжілістің экс-спикері Дариға Назарбаева президент сайлауына қатысуды жоспарлап отырған жоқ. Бұл туралы DALA INSIDE сыр тартып көрген, сол отбасыға жақын дереккөз хабарлады.
Бүгін Орталық сайлау комиссиясының мүшесі Шавкат Өтемісов журналистер сұрағына жауап беріп тұрып, теориялық тұрғыдан сайлауға шарттарға сай келетін кез-келген азамат, оның ішінде Нұрсұлтан Назарбаев та, Дариға Назарбаева да үміткер ретінде тіркеле алатынын ескерткен болатын.
Ия, Дариға Назарбаев үміткер бола алады. Бірақ одан пайда бар ма?
Дереккөздің пікірі де осыған сайды. Қазіргі жағдайда оған сайлау түсудің еш қажеті жоқ. Халық тарапынан қолдау көрінбейді.
Қазір Президент Қасым-Жомарт Тоқаевтан басқа нақты кандидат анықталған жоқ. Демократиялық күштер коалициясы ортақ кандидатты әлі таңдамады. Тіпті сайлауға шыға ма, ол да белгісіз. Әміржан Қосанов «Дайынмын, бірақ басқалар не дейді екен?» дегендей қылды. Марғұлан Сейсембаев әдетте сайлауға қатыспайды. Санжар Боқаев әзірге үндемеді.
